Rugăciune Catolică

Kyrie, eleison,

R. Kyrie, eleison

Christe, eleison,

R. Christe, eleison.

Kyrie, eleison,

R. Kyrie, eleison.

Christe, audi nos

R. Christe, audi nos.

Christe, exaudi nos.

R. Christe, exaudi nos.

Pater de caelis, Deus, R. miserere nobis (*).

Fili, Redemptor mundi, Deus, *

Spiritus Sancte, Deus, *

Sancta Trinitas, unus Deus, *

Panis vive, qui de caelo descendisti, *

Deus absconditus et Salvator, *

Frumentum electorum, *

Vinum germinans virgines, *

Panis pinguis et deliciae regum, *

Iuge sacrificium, *

Oblatio munda, *

Agne absque macula, *

Mensa purissima, *

Angelorum esca, *

Manna absconditum, *.

Memoria mirabilium Dei, *

Panis supersubstantialis, *

Verbum caro factum, habitans in nobis, *

Hostia sancta, *

Calix benedictionis, *

Mysterium fidei, *

Praecelsum et venerabile Sacramentum, *

Sacrificium omnium sanctissimum, *

Sacrificium vere propitiatorium

pro vivis et defunctis, *

Caeleste antidotum, quo a peccatis praeservamur, *

Stupendum supra omnia miraculum, *

Sacratissima Dominicae Passionis commemoratio, *

Donum transcendens omnem plenitudinem, *

Memoriale praecipuum divini amoris, *

Divinae affluentia largitatis, *

Sacrosanctum et augustissimum mysterium, *

Pharmacum immortalitatis, *

Tremendum ac vivificum Sacramentum, *

Panis omnipotentia Verbi caro factus, *

Incruentum sacrificium, *

Cibus et convivia, *

Dulcissimum convivium,

cui assistunt Angeli ministrantes, *

Sacramentum pietatis, *

Vinculum caritatis, *

Offerens et oblatio, *

Spiritualis dulcedo in proprio fonte degustata, *

Refectio animarum sanctarum, *

Viaticum in Domino morientium, *

Pignus futurae gloriae, *

Propitius esto,

R. Parce nobis, Domine.

Propitius esto,

R. Exaudi nos, Domine.

Ab indigna Corporis et Sanguinis tui susceptione,

R. libera nos, Domine (**).

A concupiscentia carnis, **

A concupiscentia oculorum, **

A superbia vitae, **

Ab omni peccandi occasione, **

Per desiderium illud, quo hoc Pascha

cum discipulis manducare desiderasti, **

Per summam humilitatem,

qui discipulorum pedes lavisti, **

Per ardentissimam caritatem,

qua hoc divinum Sacramentum instituisti, **

Per Sanguinem tuum pretiosum,

quem nobis in altari reliquisti, **

Per quinque vulnera huius tui Corporis sacratissimi,

quod pro nobis suscepisti, **

Peccatores,

R. te rogamus, audi nos (***).

Ut in nobis fidem, reverentiam et devotionem

erga hoc admirabile Sacramentum augere

et conservare digneris, ***

Ut ad frequentem usum Eucharistiae per veram

peccatorum confessionem nos

perducere digneris, ***

Ut nos ab omni haeresi, perfidia ac cordis

caecitate liberare digneris, ***

Ut sanctissimi huius Sacramenti pretiosos

et caelestes fructus nobis impertiri digneris, ***

Ut in hora mortis nostrae hoc caelesti viatico

nos confortare et munire digneris, ***

Fili Dei,

R. te rogamus, audi nos.

Agnus Dei, qui tollis peccata mundi,

R. parce nobis, Domine.

Agnus Dei, qui tollis peccata mundi,

R. exaudi nos, Domine.

Agnus Dei, qui tollis peccata mundi,

R. miserere nobis, Domine.

Christe, audi nos / R. Christe, audi nos.

Christe, exaudi nos / R. Christe, exaudi nos.

Kyrie, eleison / R. Kyrie, eleison

Christe, eleison / R. Christe, eleison.

Kyrie, eleison / R. Kyrie, eleison.

Pater noster.

Ave Maria.

V. Panem de caelo praestitisti eis, (T.P. Alleluia)

R. Omne delectamentum in se habentem. (T.P. Alleluia)

Oremus;

Deus, qui nobis sub Sacramento mirabili Passionis tuae memoriam reliquisti;

tribue quaesumus, ita nos Corporis et Sanguinis tui sacra mysteria venerari,

ut redemptionis tuae fructum in nobis iugiter sentiamus.

Qui vivis et regnas in saecula saeculorum. Amen